آواران: زورگریں پاکستانی لشکر ءَ شائر امیربکش نامیں مردمے آوار جنگ ءَ پد بیگواہ کرتگ۔
اھوالکار ءِ رد ءَ زور بیگواھیں امیر بکش ء دوست مھمد پنجگور ءِ ھند گچک ، چھب ءِ جاہ منند اِنت۔ زورگریں پاکستانی لشکر ءَ چہ پیراندر ءَکراچی ءِدوراھی ءِ پانگس ءَ آوار جتگ ءُ بیگواہ کرتگ۔ امیربکش چہ ایشی پیش 2020 ءَ پاکستانی لشکر ءِ دست ءَ آوار جنگ ءُ بیگواہ کنگ بوتگ۔ چار ماہ ءِ زوریں بیگواھی ءَ پد یل کنگ بوتگ۔
زور بیگواھیں امیر بکش ءِ باروا گوشگ بیت کہ سک دیر اِنت چہ وتی میتگ چھب ءَ لڈینگ ءُ گچک کھن ءَ برگ بوتگ۔
