تربت: چہ آپسر ءَ پاکستانی لشکر ءِ دست ءَ زور بیگواہ کنگ بوتگیں چاریں ورنا سالھ، اجاز، وسیم ءُ امتیاز ءِ کھولانی نیمگ ءَ کمک دمگدار ءِ کارگس ءِ دیم ءَ زھرشانی نندانک برجاہ اِنت۔ ھندی مردماں بازیں کچے ءَ بھر زرتگ ءُ نشتگ اَنت۔
یات بہ بہ اِت کہ اے چاریں ورنا 17 مئی 2024 ءَ پاکستانی لشکر ءَآوار جتگ ءُ بیگواہ کرتگ اَنت۔ 20 مئی ءَ زور بیگواھیں سالھ ءِ پت تارک ءَ وتی کانپریس ءَ گوشتگ اَت کہ اگاں یک ءُ دو روچ ءَ مئے زھگ یل کنگ نہ بوت اَنت گڑا ما دمگدار ءِ کارگس ءِ دیم ءَ زھرشانی ءَ نند ایں۔
پرندوشی چہ کوہ ءِ مراد زیارت ءَ زور بیگواہ کنگ بوتگیں پیسل ءُ رپیک ء، سوالی ءِ کھول دو روچ اِنت کہ زھرشانی ءَ نندوک بوتگ اَنت رپیک مرچی آجو بوتگ ءُ پیسل ءِ سر ءَ کیس جنگ ءُ سی ٹی ڈیءِ دست ءَ بوتگ آیانی کھول ءَ وتی زھرشانی ھلاس کرتگ۔
