کیچ: زورگریں پاکستانی لشکر ءَ دشت ءِ جتائیں جاھاں لشکرکشی ءِ میان ءَ پنچ مردم آوار جتگ ءُ بیگواہ کرتگ۔
اھوالکار ءِ رد ءَ چہ زور بیگواھیں مردماں سے مردم چہ نیامت ءِ داد مھمد، اُمیر ء نسیر ءُ مجید ءِ نام ءَ پجارگ بوتگ اَنت۔ نیامت ءُ اُمیر چہ دشت ھور ءَ آوار جنگ بوتگ اَنت ءُ مجید چہ دشت ملائی نگور ءَآوار جنگ ءُ بیگواہ کنگ بوتگ ۔ چہ ملائی نگور ءَ دگہ دو مردم آوار جنگ بوتگ کہ آ انگت ءَ پجارگ نہ بوتگ اَنت۔ اے پنچیں مردم دوشی آوار جنگ بوتگ اَنت۔
بنشون ءِ رد ءَ زورگریں پاکستانی لشکر ءَ دشت ءِ جتائیں جاھاں ھور، جام مھمد بازار، ملائی نگور، زرین بُگ، شولیگ، پرنٹ بازارءُ کر ءُ کشانی نزیکیں ھنداں لشکرکشی ءُ زوراکی کرتگ۔ اے باروا مئے گیشیں جست ءُ پرس برجاہ اِنت۔
