تربت؛ پرندوشی چہ کوہ ءِ مراد ءَ پاکستانی لشکر ءِ دست ءَ زور بیگواہ کنگ بوتگیں پیسل سوالی ءِ سر ءَ سی ٹی ڈی ءَ دروگیں کیس جتگ، کھول ءَ سی ٹی ڈی ءِ کیس رد کرتگ اَنت۔
سی ٹی ڈی ءِ گوشگ اِنت کہ پیسل ء سوالی بی ایل اے ءِ باسکے ءُ چہ آئی ءَ بمب دستیگ کنگ بوتگ کہ بمب پرپٹے ءَ بندوک بوتگ۔
یات بہ بہ اِت کہ زوربیگواھیں پیسل سوالی پولیس کارمندے پرندوشی چہ گس ءَ برات رپیک سوالی ءِ ھواری ءَ آوار جنگ ءُ بیگواہ کنگ بوتگ۔ پہ آیانی زوریں بیگواھی ءِ بگیری ءَ کھول تربت ءَ کمک دمگدار ءِ کارگس ءِ دیم ءَ زھرشانی ءَ نشتگ اَنت۔
اے باروا کھول ءِ گوشگ اِنت کہ سی ٹی ڈی ءَ گوشتگ کہ پیسل ءِ ھنُڈپرپٹ ءَ بمبے ماں بوتگ، بلے پیسل ءَ وت ءَ ھُنڈا نیست اے پرپٹ کہ برگ بوتگ دگہ مھمانے ءِ بوتگ۔ برگ ءِ وھد ءَ سی ٹی ڈی ءَ گوشتگ کہ ایشی تہ ءَ بمبے مان اِنت، بلے ما آئی دمب ءَ کپتگءُ گوشتگ کہ مارا بمب ءَ پیش بدار آئی ءَ مارا پیش نہ داشتگءُ شتگ۔
آئی ءَ گوشتگ کہ اگاں پرپٹ ءِ تہ ءَ بمب بہ بوتیں گڑا آ چون پرپٹ ءَ سوار بوتگ ءُ شتگ اَت۔ دومی گپ ایش اِنت کہ پیسل چون پرپٹ ءَ بمب بند ایت ءُ وتی گس ءَ ایر کنت۔
