![](https://zrumbesh.com/wp-content/uploads/2024/05/WhatsApp-Image-2024-05-26-at-12.29.26_fe98e378.jpg)
بلوچ راجی زرمبشت ( بی این ایم ) ءَ گوشتگ کہ بیست ءُ ھشت مئی 1998ءءَ پاکستان ءَ ماں بلوچستان ءَ چاگے ءِ ھند ’ راسکوہ ‘ ءَسئے ءُ پانزدہ ءَ یکیں وھد ءَ پنچ زمین چیری جوھری بم چکاس اتگ۔
آئی ءَ گوشتگ کہ چہ زند ءَ سرچکار ، چمگ ، کور ءُ جواں پریں راسکوہ تاوانباریں جوھری چکاسکانی پد ءَ تابکاری ساناں پیڑات۔مردمانی پجیگ ءَ دگہ ساھدارانی سر ءَ تابکاری سان مروچی ھم ھست اَنت، کہ آیانی تہ ءَ پوست ءِ شیمک ءُ دگہ کشندھیں نادْراھی ھوار اَنت۔
آئی ءَ گوشتگ کہ بی این ایم مروچی ماں سرجمیں جھان ءَ اے بیران دئیں کار ءِ بگیری ءَ زھرشانی کنگ ءَ اِنت۔
آئی ءَ گوشتگ کہ انسان گوں ایٹم بم ءَ ناں بلکیں وت ماں وتی مانشت ءُ سرجمیں راجانی آجوئی ءِ منگ ءُ آئی ءِ منگہ دیگ ءَ پد وشھالی ءُ پاداریں ایمنی ءِ نیمگ شت کنت۔
آئی ءَ گوشتگ کہ جوھری سلاھانی آسر کنگ المی اِنت ءُ پاکستان رنگیں ڈیھانی گْور ءَ اے سلاھانی بیگ پہ سرجمیں مردمگری ءِ مانشت ءَ ترسے۔