تربت: دوشی پاکستانی لشکر ءَ بیڑ برتگ ءُ دو ورنا آوار جتگ، کھول ءَ کیچ کمک دمگدار ءِ کارگس ءِ دیم ءَ زھرشانی کرتگ۔
اھوالکار ءِ رد ءَ زور بیگواہ کنگ بوتگیں ورنایانی نام پیسل ء سوالی ءُ رپیک ء سوالی اِنت کہ زیات آپسر ءِ جاہ منند اَنت۔ دوشی شپ ءِ دو ءَ پاکستانی لشکر ءُ چیریں ادارھانی کارمنداں گس ءَ بیڑ برتگ ءُ آوار جتگ اَنت۔ زور بیگواھیں پیسل اے ٹی ایپ لشکر ءِ کارمندے ءُ رپیک مزدورے۔ آیانی زوریں بیگواھی ءِ بگیری ءَ کھول کیچ کمک دمگدار ءِ کارگس ءِ دیم ءَ زھرشانی ءَ نشتگ اَنت۔
آیانی گوشگ اِنت کہ مئے زھگ بے میار اَنت زوت یل کنگ بہ بنت۔ اگاں آیانی سر ءَ چونیں بھتام ھست گڑا آمیدگس ءَ پیش کنگ بہ بنت۔
