کراچی:ماھے پیش زورگریں پاکستانی لشکر ءِ دست ءَ زور بیگواہ کنگ بوتگیں سندی راجدوستیں باسکے آجو بوتگ۔
آجو بوتگیں سندی ورنا ءِ نام بشیر شر اِنت کہ ھمے سال ءِ ھپت پروری ءَ زورگریں پاکستانی لشکر ءُ چیریں ادارھانی کارمنداں چہ سچل پولیس بنجل ءِ نزیک ءَ آوار جتگ ءُ بیگواہ کرتگ۔ زور بیگواھیں بشیر شر ماھے ءَ گیش زوریں بیگواھی ءَ پد مرچی آجو بوتگ۔
بشیر شر ءِ باروا گوشگ بیت کہ چہ ایشی پیش ھم 2020 ءَ گوں وتی آدگہ سیادانی ھمراھی ءَ چہ کراچی ءَ زور بیگواہ کنگ ءَ سے ماہ ءَ پد آئی سر ءَ بازیں کیس جنگ ءُ یل کنگ بوتگ۔
یات بہ بہ اِت کہ چو بلوچستان ءِ وڑ ءَ اے وھد ءَ بازیں سندی سیاسی باسکے زورگریں پاکستانی لشکر ءِ چیریں آزارجاھاں بیگواہ اِنت۔
بشیر شر ءِ آجوئی ءِ گپ وائس پار مسنگ پرسن آپ سند ءَ راست کرتگ ءُ ماں چاگردی رسانکد ءِ تندجاہ ایکس ءَ آئی اکس شنگ کرتگ۔
