گوادر: 22 مئی 2024 ءَ گوادر شھر گٹی ڈور چاراہ ءَ دو مردم پاکستانی لشکر ءَ درکانودی آوار جنگ ءَ پد بیگواہ کرتگ اَنت۔
بیگواھیں مردمانی کھول ءِ گوشگ اِنت کہ مھمد وھید ء الی مھمد ءُ نسرت ء ابدرھمان ءَ پاکستانی لشکر ءِ کارمنداں چہ گٹی ڈور گوادر ءَ آیانی تیل ءِ ڈپو ءَ آوار جنگ ءَ پد بیگواہ کرتگ اَنت۔
زور بیگواھیں مردم کلانچ، گوادر ءِ جاہ منند اَنت ءُ گوستگیں چنچو سال اِنت کہ تیل ءِ باپاری ءَ کنگ ءَ اَنت۔
گوں آیاں ھوار کارکنوکیں مردمے ءَ گوں زرمبش ءَ گوشتگ کہ دوئیں باپاری ءَ شریداراں وتی درسیں وھد گوں باپاری ءَ گوازینتگ۔ آ مدام گوں وتی کار ءَ دزبند بوتگ اَنت۔ ما گوں سرکار ءُ پارلیمنٹ ءِ گوادر ءِ جھگیر ھدایت الرھمان ءَ لوٹ کن ایں کہ آیانی آجوئی ءَ وتی کرد ءَ پیلو بہ کنت ءُ ایمنی ءَ باپاری کنوکیں مردماں بہ پھریز ایت کہ آ ریاستی زور ءَ پہ وتی آدگہ مولاں کارمرز کنگ ءَ اَنت۔ مارا انچوش گمان بیت کہ آیان ءَ پہ زرگرگ ءَ زور بیگواہ کرتگ۔ زوریں بیگواھی ءِ درچ بند کنگ بہ بیت۔
