بلوچ راجی راھشون ءُ بلوچستان آجوئی سنگر (بی ایل ایپ) ءِ سرکماش ڈاکٹر اللہ نزر ءَ ماں ایکس ءَ نبشتگ کہ ذمہ واری، گِر ءُ دار مئے بنکی راھبند اَنت۔من ءُ منی آشوبی ھمبل راہ ءُ راھبندانی پابند اَنت۔
آئی ءَ گْوشتگ کہ مارا اے گپ شموشگی نہ اِنت کہ بلوچ آجوئی زْرمبشت ءِ دیم ءَ برگ ءَ ما چے باھینتگ۔ مارا وتی سرانی پروا نیست چے ءَ کہ جنگ بے رھم بیت۔
بلوچ راھشون ءَ گْوشتگ کہ مئے نوکیں پدریچ چیرجنگی ءُ جُھد ءِ دُرسیں راہ ءُ راھبنداں شریں وڑے ءَ پوہ اَنت۔
آئی ءَ گْوشتگ کہ چاگرد ءِ ھر بھرگ ءَ وتی کِشک رَندگ لوٹ ایت چے ءَ کہ جنگانی تہ ءَ تاوان باز ءُ جھل ءَ مدام تاوان ءُ تُرس گیشتِر بیت۔
