نوکنڈی: گوستگیں روچ ءَ زورگریں پاکستانی لشکر ءَ گاڑی ڈرائیورانی گون ءَ زوراکی کرتگ ءُ گاڑیانی انجناں ھاک ماں کرتگ ءُ ڈرائیور پادشپاد ءَ گرم ءِ جل ءَ اوشتارینتگ اَنت۔ مردماں پاکستانی لشکر ءِ ڈرائیورانی گون ءَ زوراکیءَھوار چاگے ءِ مردمانی گون ءَ پاکستانی لشکر ءِ زوراکیانی بگیری ءَ نوکنڈی باب ءَ زھرشانی ءَشھدگ بند کرتگ۔
یات بہ بہ اِت کہ بلوچ یکجھتی کمیٹی ءَ چاگے ءَ پاکستانی لشکر ءِ زوراکیانی بگیری ءَ مرچی بیگاہ ءِ پنچ ءَ دالبندین ءَ زھرشانی روانکے کشگ ءِ جار جتگ۔
زھرشانی کنوکیں مردمانی گوشگ اِنت کہ چہ ایشی پیش ھم اے وڑیں بازیں ویل بوتگ اَنت کہ پاکستانی لشکر ءَ گاڑیانی انجناں ھاک مان کرتگ ءُ گاڑی تباہ کرتگ اَنت ءُ چہ ڈرائیوراں آپ ءِ بوتل پل اتگ اَنت ءُ رند ءَ ڈرائیور تُن ءَ مرتگ اَنت۔
آیاں گوں مردمی ھکانی ادارھاں لوٹ کرتگ ءُ گوشتگ کہ آ چاگے ءَ پاکستانی لشکر ءِ ناشریانی باروا دلگوش ءَ گور بہ کن اَنت۔
