گوادر: زور بیگواھیں امیربکش ءِ جنک سدپ امیر ءَ وتی شنگ کرتگیں تامربندے ءَ گوشتگ کہ منی پت امیربکش 4 اگست 2014 ءَ چہ کلانچ ءَ آوار جنگ بوتگ کہ انگت بیگواہ اِنت۔
آئی گوشتگ کہ رسانکدر زور بیگواھیں مردمانی کھولانی نیمگ ءَ ھچ دلگوش دیگ ءَ نہ اِنت۔ اے وھد ءَ بلوچستان نہ سرجمیں ڈیھ ءَ زوریں بیگواھیں مزنیں جیڑھے ھزارانی کچ ءَ مردم زور بیگواہ کنگ بوتگ اَنت۔ زور بیگواھیں مردمانی باروا آیانی کھولاں ھچ وڑیں سرپدی دیگ ءَ نہ اَنت، رسانکدر ءُ پارلیمنٹ ءَ مورے ھم گوش ءَ نہ وارت۔
سدپ امیر ءَ کہ من مدام ھمے لوٹ ءَ کنگ ءَ آں کہ منی پت امیربکش ءَ آجو بہ کن اِت ءُ مارا چہ اندوھاں بہ رکین اِنت بلے کس مئے پریات ءَ گوش نہ دار ایت۔ زوریں بیگواھی سکا مزنیں جیڑھے ءُ بلوچ راج ءِ باندات ءِ جیڑہ اِنت۔ ھمک گس چہ زوریں بیگواھی ءَ سانمند اِنت۔
آئی ءَ گوشتگ کہ انچوش یکیں کھول ءِ سائرہ ءُ سادیہ اَنت اے کھول ءِ سے مردم بیگواہ اِنت۔ راشد ءُ آسپ ءَ شش سال اِنت، سلمان ءَ سالے نیمے بیت کہ بیگواہ اِنت۔ بلے آمیدگس ءَ ھوار کمیشن تھنا وھد زوالی کنگ ءَ اَنت۔ ھچ ادارہ گوں سنگینی ءَ گامگیج زورگ ءَ نہ اَنت۔
سدپ امیر کہ بلوچ وائس پار جسٹس ءِ نیمگ ءَ 24 مئی ءَ رسانکدر ءِ تندجاہ ایکس ءَ پہ راشد، آسپ ءُ سلمان ءِ آجوئی ءَ کمپینے برجم دارگ بیت بھر بزور اِت۔
