بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں دکی، زامران ءُ سبی ءَ چار جتائیں ارشاں بلوچ مڈیانی لٹ ءُ پل ءَ ھواریں ٹرک، زورگریں لشکر ءِ جتگیں چاریگی کیمرہ، رھوتی ٹاور ءُ زورگریں لشکر ءِ پانگس نشانگ کرتگ اَنت۔
آئی گوشتگ کہ بی ایل اے ءِ سرمچاراں دوشی دکی ءِ ھند سنجاوی پاسرہ تنگی ءِ نزیک ءَ بلوچ ءِ مڈیانی لٹ ءُ پل ءَ ھواریں ٹرک ھما وھد ءَ نشانگ کرتگ اَنت کہ آ چہ بلوچستان ءَ پنجاپ ءَ اشکر برگ ءَ بوتگ اَنت۔ ارش ءَ سرمچاراں شش ٹرک مانداشتگ۔
جارکش ءَ گوشتگ کہ ما دژمن ءِ زرگپتیں ھندی کاسگ چٹان ءَ ھمے کڈن کرتگ کہ اگاں آ بلوچ سرمچار ءُ بلوچ راجی نپانی بگیری ءَ دژمن ءَ گون ءَ ھمگرنچ بنت گڑا آیانی سر ءَ ترندیں ارش کن ایں۔
آئی ءَ گوشتگ کہ بی ایل اے ءِ سرمچاراں دوشی زامران ءِ ھند آرچن کور ءَ زورگریں پاکستانی لشکر ءِ نیمگ ءَ جتگیں کیمرہ کاروائی ءَ تباہ کرتگ۔
جارکش ءَ گوشتگ کہ ھمے وڑ ءَ یک دگہ کاروائی یے ءَ سرمچاراں زامران ءِ ھند دشتک ءَ زورگریں پاکستانی لشکر ءِ نیمگ ءَ پہ دامگ ءِ آسراتی ءَ جتگیں ٹاور گوں تراکناکیں شورھاں تباہ کرتگ۔
آئی ءَ گوشتگ کہ بی ایل اے ءِ سرمچاراں مرچی سبی ءِ ھند کرمو وڈ ءَ زورگریں پاکستانی لشکر ءِ یک پانگسے گوں ارش ءَ نشانگ کرتگ، اسنائپر ارش ءَ پد سرمچاراں گوں مزنیں سلاھاں دژمن ءِ سر ءَ ارش کرتگ۔ ارش ءِ آسر ءَ کم چہ کم دو کارمند ٹپی بوتگ۔
بی ایل اے ءِ جارکش جیھند ءَ چاریں ارشانی زمہ وری من اتگ ءُ گوشتگ کہ داں سرڈگار ءِ آجوئی ءَ زورگریں پاکستانی لشکر ءُ آئی شریدارانی سر ءَ مئے ارش برجاہ بنت۔
