بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں آواران ءِ ھند مشکے ءَ زورگریں پاکستانی لشکر ءِ پانگس ءِ سر ءَ دو اُرشاں دژمنیں لشکر ءِ دو کارمند مُرتگ ءُ سَے ٹپی بیتگ۔
آئی ءَ گوشتگ کہ زی بیگاہ ءِ شش ءَ بی ایل ایپ ءِ سرمچاراں اوگار مشکے ءَ برجاھیں دژمنیں پاکستانی لشکر ءِ پانگس ءِ سر ءَ گوں ٹوھیں سلاھاں اُرش کُرتگ۔ اُرش انچوش تُرند بیتگ کہ دُژمنیں لشکر ءَ وتی گیگ کنگ ءِ موہ نہ رس اِتگ ءُ اُرش داں بیست دمان ءَ برجاہ بیتگ، اُرش ءَ پروش وارتگیں لشکر ءِ دو کارمند مُرتگ ءُ سَے ٹپی بیتگ۔
جارکش ءَ گوشتگ کہ زورگریں دژمن ءِ ھمے پانگس ءِ سر ءَ سرمچاراں پد ءَ شپ ءِ یک ءَ گوں وتکاریں سلاھاں اُرش کُرتگ، اُرش ءَ دژمنیں لشکر ءَ بازیں کچے ءَ جانی ءُ مالی تاوان بیتگ۔
میجر گھرام ءَ اُرش ءِ زمہ واری منّ اِتگ ءُ گوشتگ کہ داں سرجمیں بلوچستان ءِ آجوئی ءَ زوگریں دژمن ءِ سر ءَ سرمچارانی اُرش برجاہ بنت۔
