کلات: پجار نہ بوتگیں سلاہ بندیں مردماں بند ساچی شرکت ءِ سر ءَ ارش کرتگ ءُ مشین ءُ سامان مانداشتگ اَنت۔
بنشون ءِ رد ءَ سلاہ بندیں مردماں زی یک شمبے ءِ روچ ءَ کلات ءِ ھند امیری، ھربوئی ءَ بند ساچی شرکت ءِ سر ءَ ارش کرتگ ءُ درسیں گاڑی ءُ مشین ءُ سامان مانداشتگ اَنت۔ ارش ءَ پد پاکستانی لشکر ءِ کارمند بازیں کچے ءَ ارش جاہ ءَ سر بوتگ ءُ لشکرکشی کنگ ءَ اِنت۔
ارش ءِ زمہ واری انگت ءَ ھچ گل ءَ نہ زرتگ۔
