کیچ/ بولان: زورگریں پاکستانی لشکر ءَ سے ورنا آوار جتگ ءُ بیگواہ کرتگ۔
اھوالکار ءِ رد ءَ چہ کیچءِ ھند تمپ ملانٹ ءَ زور بیگواہ کنگ بوتگیں ورنایانی نام سئید ء موسا ءُ پرھاد ء گپور اِنت کہ ملانٹ چیری بازار ءِ جاہ منند اَنت۔ دہ روچ پیش پاکستانی لشکر ءَ آوار جتگ ءُ بیگواہ کرتگ انت کہ انگت بیگواہ اَنت۔
بنشون ءِ رد ءَ چہ بولان ءَ زورگریں پاکستانی لشکر ءِ دست ءَ آوار جنگ بوتگیں ورنا ءِ نام کامران پنام ملک شاہ ء الباکی اِنت۔ کامران ءَ مرچی پاکستانی لشکر ءُ چیریں ادارھانی کارمنداں آوار جتگ ءُ بیگواہ کرتگ۔
