آواران: دو روچ پیش زورگریں پاکستانی لشکر ءَ دو ورنا آوار جتگ ءُ بیگواہ کرتگ۔
اھوالکار ءِ رد ءَ زور بیگواہ کنگ بوتگیں ورنایانی نام جاوید ء مھمد کاسم ءُ کمبر ء مراد اِنت کہ جاؤ ءِ میتگ بدرنگ ءِ جاہ منند اَنت۔ دو روچ پیش آواران ءَ شتگ اَنت کہ چہ آواران ءِ بازار ءَ زورگریں پاکستانی لشکر ءَ آوار جتگ ءُ بیگواہ کرتگ اَنت۔
زور بیگواھیں ورنایانی باروا گوشگ بیت کہ دوئیں وت ماں وت نزیکیں سیاد اَنت۔
یات بہ بہ اِت کہ بلوچستان ءَ زورگریں پاکستانی لشکر ءِ نیمگ ءَ زوریں بیگواھیانی درچ برجاہ اِنت، لھتیں روچ اِنت کہ ھمک روچ چہ جتائیں ھند ءُ دمگاں روچے دو سے مردمانی زوریں بیگواھی ءِ ھال پیداک اِنت۔
