تربت: پانزہ روچ پیش زورگرین پاکستانی لشکر ءِ دست ءَ زور بیگواہ کنگ بوتگیں اُزیر ء شمبے آجو بوتگ۔
اُزیر ء شمبے چہ جوسک تربت ءَ پاکستانی لشکر ءُ چیریں ادارھانی کارمنداں 18 اپریل ءِ شپ ءَ آوار جنگ ءَ پد بیگواہ کرتگ اَت۔ مرچی آجو بوتگ۔ ھمے شپ ءَ چہ جوسک ءَ پاکستانی لشکر ءَ نواز ء سرور نامیں ورنایے آوار جتگ ات آ ھم لھتیں روچ ءَ پد یل کنگ بوتگ۔
یات بہ بہ اِت کہ اُزیر ءُ نواز ءِ زوریں بیگواھی ءِ بگیری ءَ کھولاں تربت ءَ ڈی بلوچ ءَ زھرشانی ءَ شھدگ بند کرتگ اَت۔
