چمن: سرکار ءِ نیمگ ءَ سیمسر ءِ شوربندی ءُ لشکر ءِ زوراکیانی بگیری ءَ زھرشانی کنوکیں مردمانی سر ءَ زورگریں پاکستانی لشکر ءَ بیڑ برتگ ءُ تیرگواری کرتگ دو مردم بیران ءُ باز مردم ٹپی بوتگ۔
بنشون ءِ رد ءَ مردماں پاکستانی لشکر ءِ بنجل ءِ دیم ءَ ٹائر مانداشتگ ءُ زھرشانی کنگ ءَ بوتگ اَنت کہ پاکستانی لشکر ءَ پہ آیانی زھرشانی ءِ ھلاس کنگ ءَ چمی گیس جتگ ءُ تیرگواری کرتگ دو مردم بیران ءُ دہ مردم ءِ نزیک ءَ ٹپی بوتگ اَنت۔بیران بوتگیں مردمانی لاش ءُ ٹپی بوتگیں مردم پہ درمان کنگ ءِ نادراھجاہ ءَ برتگ بوتگ اَنت، چہ ٹپی بوتگیں مردماں باز مردم ءِ جاور ناگیگ اَنت۔
ویل ءَ پد پولیس کارمندبازیں کچے ءَ آتکگ ءُ سر بوتگ اَنت، انچوش گوشگ بوگ ءَ اِنت کہ ھمے ھند ءِ جاور ناگیگ اِنت۔
