دکی/ پشین: گوستگیں روچاں دکی ءَ بمب تراک ءُ پشین ءَ تیرگواری ءَ ٹپی بوتگیں پولیس کارمند مرتگ اَنت۔
بنشون ءِ رد ءَ دکی ءَ مرتگیں پولیس انسپکٹر ءِ نام رھیم ھمزھی اِنت کہ گوستگیں روچ ءَ بمب تراک ءَ ٹپی بوتگ، آ پہ درمان کنگ ءَ نادراھجاہ ءَ برگ بوتگ کہ آئی ٹپانی درد نہ سگ اَنت ءُ مرتگ۔
ھمے وڑ ءَ پشین ءَ مرتگیں ایس ایچ او ءِ نام روزی ھان اِنت کہ گوستگیں روچ ءَ سلاہ بندیں مردمانی ارش ءَ ٹپی بوتگ اَت۔
یات بہ بہ اِت کہ دکی ءَ بمب ارش ءِ زمہ واری بلوچ آجوئی لوٹوکیں سلاہ بندیں گل بلوچ آجوئی لشکر ( بی ایل اے) ءَ من اتگ۔
