بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں دوشی ھزدار ءَ زورگریں پاکستانی لشکر ءُ پولیس لشکر دو جتائیں ارشاں نشانگ کرتگ۔ ارشاں دژمن ءِ یک کارمندے مرتگ ءُ سروگانے ءَ ھوار چار کارمند ٹپی بوتگ۔
آئی ءَ گوشتگ کہ بی ایل اے ءِ سرمچاراں دوشی بازگیر ءَ برجاھیں پاکستانی لشکر ءِ یک بنجلے ءِ پھازداریں پانگسانی سر ءَ گوں گرنیڈ لانچرءُ وتکاریں سلاھاں ارش کرتگ۔ ارش ءَ یک دژمنیں کارمندے جاھی مرتگ ءُ دو ٹپی بوتگ۔
جارکش ءَ گوشتگ کہ ھمے وڑ ءَ سرمچارانی ارش ءَ پد ھمے ھند ءَ پولیس ءِ دو گاڑی سر بوتگ، سرمچاراں شوربندی ءِ رد ءَ کرائم انویسٹی گیشن ایجنسی ( سی آئی اے ) ءِگاڑی گوں چیرکرتگیں شورھاں نشانگ کرتگ۔
آئی ءَ گوشتگ کہ تراک ءِ آسر ءَ سی آئی اے ءِ کارمستر مکبول موسیانی ءَ ھوار دو کارمند ٹپی بوتگ ءُ گاڑی سکا تاوان بوتگ۔
بی ایل اے ءِ جارکش جیھند ءَ دوئیں ارشانی زمہ واری من اتگ ءُ گوشتگ کہ زورگریں پاکستانی لشکر ءُ آئی شریدارانی سر ءَ مئے ارش برجاہ بنت۔
