نوشکے/ منگوچر: زورگریں پاکستانی لشکر بازیں کچے ءَ کوھانی نیمگ ءَ روگ ءَ گندگ بوتگ اَنت۔
بنشون ءِ رد ءَ مرچی سھب ءَ نوشکے ءَ زورگریں پاکستانی لشکر ءِ کارمند بازیں کچے ءَ کوھانی نیمگ ءَ روگ ءَ گندگ بوتگ اَنت۔ پاکستانی لشکر ءَ بکتربند گاڑی گون بوتگ ءُ پیادگیں لشکری کارمند ھم روگ ءَ گندگ بوتگ اَنت۔
ھمے وڑ ءَ کلات ءِ ھند منگوچر ءَ پاکستانی لشکر بازیں کچے ءَ آتکگ اَنت۔ تیرگواری ءِ ھم ھال اِنت۔ اے بارو ءَ چہ سرکار ءِ نیمگ ءَ ھچ وڑیں ھال دیم ءَ نہ یتکگ۔
انچوش گوشگ بوگ ءَ اِنت کہ گوستگیں روچ ءَ چہ سبی ءَ ریل ءِ سر ءَ ھرنائی ءِ نیمگ ءَ پاکستانی لشکر ءِ کارمند بازیں کچے ءَ روگ ءَ گندگ بوتگ اَنت۔
