بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں بولان، گوادر ءُ تربت ءَ زورگریں پاکستانی لشکر سے جتائیں اُرشاں نشانگ کرتگ، چہ ایشاں یازدہ دژمنیں کارمند مرتگ ءُ دو ٹپی بوتگ۔ کچی ءَ رھوتی ٹاور تباہ کرتگ۔
آئی ءَ گوشتگ کہ بی ایل اے ءِ سرمچاراں بولان ءِ ھند پیر اسماھیل، انڈس ءَ زورگریں پاکستانی لشکر ءِ یک گاڑی یے گوں چیر کرتگیں شورھاں نشانگ کرتگ۔ تراک ءِ آسر ءَ دژمنیں لشکر ءِ گاڑی ءَ سواریں دہ کارمند مرتگ ءُ گاڑی سرجم ءَ تباہ بوتگ۔
جارکش ءَ گوشتگ کہ سرمچاراں دگہ یک کاروائی یے ءَ دوشی گوادر شھر ءَ بلوچ وارڈ ءَ زورگریں پاکستانی لشکر کوسٹ گارڈ ءِ پانگس گوں دستی بمب ءَ نشانگ کرتگ، تراک ءِ آسر ءَ دو دژمنیں کارمند ٹپی بوتگ۔
آئی ءَ گوشتگ کہ ھمے وڑ ءَ دوشی کچی ءِ ھند سنی شوران ءَ بی ایل اے ءِ سرمچاراں یوپون شرکت ءِ راھوتی ٹاور نشانگ کرتگ ءُ مشین ءُ سامان تباہ کرتگ اَنت۔
جارکش ءَ گوشتگ کہ بی ایل اے ءِ سرمچاراں مرچی بیگاہ ءَ تربت شھر ءَ ملٹری انٹیلیجنس ( ایم آئی ) ءِ کارگس ءِ سر ءَ گرنیڈ لانچر ءِ باز گولا آس داتگ، تراکانی آسر ءَ مزنیں دروازگ ءِ دپ ءَ پھازداریں پانگس ءِ یک کارمندے جاھی مرتگ ءُ دژمنیں لشکر ءَ گیش جانی تاوان بوتگ۔
بی ایل اے ءِ جارکش جیھند ءَ اُرشانی زمہ واری منّ اتگ ءُ گوشتگ کہ ھمے کول ءَ کن ایں داں بلوچ سرڈگار ءِ آجوئی ءَ دژمن ءِ سر ءَ اُرش برجاہ بیت۔
