کیچ: شاپک ءَ سی پیک دگ ءَ زور بیگواھیں نئیم رھمت ءِ کھول ءِ نیمگ ءَ برجاھیں زھرشانی نندانک مرچی ششمی روچ ءَ گوں واکداراں گپ ءُ تران ءَ پد آسر بوتگ۔
زھرشانی نندانک ءَ واکدار ءِ نیمگ ءَ نبشتھی درشم ءَ ھمے گوشگ بوتگ کہ پونشی گوں ادارھاں ھمے درگت ءَ گپ ءُ تران کنگ بیت ءُ شمارا دلجمیں ھالے دے ایں، اے دیوان ءَ کھول ءِ مردم ھم ھوار کنگ بنت۔ ھمے گپ ءِ بنیاد ءَ کھول ءَ زھرشانی ھلاس کرتگ۔
اے بارو ءَ زور بیگواھیں نئیم رھمت ءِ کھول ءِ گوشگ اِنت اگاں پونشی مارا دلجمیں ھال دیگ نہ بوت گڑا ما وتی آھوکیں گامگیج ءِ جار ءَ جن ایں۔
یات بہ بہ اِت کہ شاپک ءَ زور بیگواھیں نئیم رھمت ءِ کھول ءِ نیمگ ءَ دومی زھرشانی نندانک بوتگ مرچی شش روچ اِنت مدام پہ زھرشانی ءِ پروشگ ءَ زھرشانی ءَ نشتگیں مردمانی گوں گاڑیانی سر ءَ لگت دیگ ءِ جھد کنگ بوتگ۔
