ڈیرہ بگٹی: زورگریں پاکستانی لشکر ءَ سے روچ اِنت کہ جتا جتائیں جاھاں لشکر کشی کنگ ءَ اِنت۔
اھوالکار ءِ رد ءَ زورگریں پاکستانی لشکر ڈیرہ بگٹی ءِ ھند کورڈان، ھبیب راھی، سور ءُ لینڈی ءَ ھوار کر ءُ کشانی نزیکیں ھنداں لشکرکشی ءُ زوراکی کنگ ءُ گوں مردماں زوراکی کنگ ءَ اِنت۔
بنشون ءِ رد ءَ مردماں چہ سالاں وتی ڈگارانی سر ءَ کشت ءُ کشاری کرتگ، پاکستانی لشکر مردمانی کشاراں لٹ ءُ پل کنگ ءَ اِنت۔
ڈیرہ بگٹی ءَ پاکستانی لشکر ءِ لشکرکشی ءِ گپ بلوچ ریپبلکن پارٹی ءَ راست کرتگ ءُ ماں چاگردی رسانکدر ایکس ءَ نبشتگ کہ پاکستانی لشکر سے روچ اِنت یکشل ءَ گساں بیڑ برگ ءَ اِنت۔
