کیچ: زورگریں پاکستانی لشکر ءَ جوسک ءَ بیڑ برتگ ءُ شھید پدائی ایوب ازیم پنام دودا ءِ ناکو آوار جتگ ءُ بیگواہ کرتگ۔
اھوالکار ءِ رد ءَ زور بیگواھیں مردم ءِ نام ازیز شمبے اِنت کہ دوشی شپ ءِ دو ءَ پاکستانی لشکر ءُ چیریں ادارھانی کارمنداں جوسک ءَ گس ءَ بیڑ برتگ ءُ آوار جتگ۔ پاکستانی لشکر ءَ بیڑ برگ ءِ میان ءَ گسانی پٹ ءُ پول کنگ ءِ ھواری ءَ گوں آدگہ مردماں زوراکی کرتگ۔
بنشون ءِ رد ءَ چہ ایشی پیش یک ءُ دو اپریل ءِ میانی شپ ءَ پاکستانی لشکر ءَ گس ءَ بیڑ برتگ ءُ گوں مردماں زوراکی کرتگ۔
