بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که سرمچاراں کیچ ءِ ھند زامران ءُ تربت ءَ زورگریں پاکستانی لشکر ءُ پولیس چوکی سے جتائیں اُرش ءَ نشانگ کرتگ اَنت، چہ ایشی ءَ زورگریں پاکستانی لشکر ءَ جانی ءُ مالی تاوان بوتگ ءُ پولیس کارمندانی سلاه گپتگ اَنت۔
جارکش ءَ گوشتگ که 17 جنوری ءَ روچ ءِ اَدار دوازده ءَ بی ایل ایپ ءِ اسنائپر ٹیکٹیکل ٹیم ءَ زامران ءِ ھند چُر مبارکی کوه ءَ زورگریں لشکر ءِ کارمندے نشانگ کرتگ ءُ کشتگ. چه ایشی ءَ پد دژمنیں لشکر ءِ ترّ ءُ گرد چارتگ اَنت ءُ سرمچاراں گوں وتکاریں سلاھاں اُرش کرتگ چه ایشی ءَ دژمن ءَ گیشتر جانی ءُ مالی تاوان داتگ.
آئی ءَ گوشتگ دومی اُرش ءَ زامران ءِ ھند پگنزان ءَ برجاھیں پاکستانی لشکر ءِ چوکی ءِ سر ءَ گوں نوکین ءُ مزنیں سلاھاں اُرش کرتگ ءُ دو کارمند ٹپی بیتگ۔
جارکش ءَ گوشتگ که سیمی اُرش تربت، سنگانی سر ءَ برجاھیں پولیس ءِ چوکی ءِ سر ءَ کرتگ. سرمچاراں پولیس کارمندانی سلاه گپتگ اَنت ءُ چوکی مانداشتگ. پولیس کارمند بلوچ بوگ ءِ سوب ءَ کڈن کرتگ ءُ یلہ داتگ اَنت.
آئی ءَ گوشتگ که پاکستانی لشکر ءَ کوھی دمگانی نشتگیں مردم پہ لَڈ ءُ بار کنگ ءَ لاچار کرتگ اَنت۔ چیر جنگی جنگ ءِ ترند بوگ ءِ سوب ءَ زورگریں لشکر سسائی نادراہ کرتگ ءُ آ ھر بلوچ ءَ سرمچار سرپد بیت کہ آئی ءِ پروش ءِ نشان اِنت.
میجرام گھرام ءَ اُرشانی زمه واری ءَ زمه واری ءَ من اِتگ ءُ گوشتگ کہ پولیس ءَ کڈن کن ایں کہ آ سرمچارانی رندگیری ءَ مہ کنت اگاں نہ گڑا نشانگ کنگ بیت.
