ھزدار: جاپر آباد ءَ زورگریں پاکستانی لشکر ءَ بیڑ برتگ ءُ یونس مینگل نامیں مردمے آوار جتگ ءُ بیگواہ کرتگ۔
اھوالکار ءِ رد ءَ یونس مینگل جاپر آباد ءَ دکان ءَ نندوک بوتگ کہ دوشمبے ءِ سھب ءَ نو ءِ نزیک ءَ پاکستانی لشکر، چیریں ادارہ ءُ سی ٹی ڈی ءِ کارمند پانزہ گاڑیانی سر ءَ آتکگ اَنت بیڑ برتگ ءُ آوار اِش جتگ۔ زور بیگواھیں یونس ءِ بارو ءَ گوشگ بیت کہ اے آئی سیمی رند اِنت کہ بیگواہ کنگ بوتگ۔
بنشون ءِ رد ءَ یونس مینگل اولی رند ءَ 2014 ءَ آوار جنگ ءُ بیگواہ کنگ بوتگ ماھے ءَ پد آجو بوتگ، دومی رند ءَ 2017 ءَ آوار جنگ بوتگ کہ آ پانزہ روچ ءَ پد یل کنگ بوتگ، سیمی رند ءَ مرچی سھب ءَ آوار جنگ ءُ بیگواہ کنگ بوتگ۔
بیگواھیں یونس مینگل ھزدار ءَ آئید ءَ دو روچ پیش بمب تراک ءَ بیران بوتگیں جواد یوسپ ءِ ناکو اِنت۔
