![](https://zrumbesh.com/wp-content/uploads/2024/04/1000296640-1024x629.jpg)
مستونگ: پاری نوزدہ ستمبر ءَ پاکستانی لشکر ءِ دست ءَ زور بیگواھیں ابدالتیپ ء سپر ھان ءِ کھول ءَ کھول ءَ زھرشانی ءَ شھدگ بند کرتگ۔ دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتوک اَنت۔
زھرشانی کنوکیں مردماں سیاسی ءُ چاگردی کارکن، کماشیں مردم، جنین ءُ زھگاں بازیں کچے ءَ بھر زرتگ۔ زھرشانی کنوکیں مردماں زور بیگواھیں مردمانی اکس دست ءَ بوتگ اَنت۔
زور بیگواھیں ابدالتیپ ءِ کھول ءَ گوں سرکار ءَ لوٹ کرتگ ءُ گوشتگ کہ ابدالتیپ زوتاں چہ زوت یل کنگ بہ بیت اگاں آئی سر ءَ چونیں بھتامے ھست گڑا آمیدگس ءَ پیش کنگ بہ بیت۔
یات بہ بہ اِت کہ ابدالتیپ ء سپر ھان 19 ستمبر 2023 ءَ چہ دشت کابو دوراھی ءَ پاکستانی لشکر ءِ برجاھیں پانگس ءَ آوار جنگ بوتگ ءُ بیگواہ کنگ بوتگ۔