ڈیرہ بگٹی: سوئی ءَ پاری زورگریں پاکستانی لشکر ءِ دست ءَ زور بیگواہ کنگ بوتگیں دو مردم آجو بوتگ۔
آجو بوتگیں مردمانی نام اسمان ء رزو ءُ واھد بکش ء دین ھمد اِنت۔ اسمان ءَ پاکستانی لشکر ءَ پاری جولائی ءَ چہ چائنہ چاراہ ءَ آوار جتگ ءُ بیگواہ کرتگ۔ واھد بکش پاری ستمبر ءَ چہ سوئی ءِ ھند دولی ءَ پاکستانی لشکر ءِ پانگس ءَ آوار جنگ ءُ بیگواہ کنگ بوتگ۔
دوئیں زور بیگواھیں مردمانی آجوئی ءِ گپ بیگواھیں بلوچانی توار ( وی بی ایم پی ) ءَ راست کرتگ ءُ آیانی اکس شنگ کرتگ اَنت۔
