پنجگور: دوشی زورگریں پاکستانی لشکر ءَ گرمکان ءَ بیڑ برتگ پاکستانی لشکر ءُ سلاہ بندیں مردمانی میان ءَ داں باز اداراں جنگ برجاہ بوتگ۔
بنشون ءِ رد ءَ دوشی شپ ءِ دہ ءَ پٹ چاراہ گرمکان ءَ پاکستانی لشکر ءَ گسے ءِ انگر کنگ ءِ جھد کرتگ، سلاہ بندیں مردم ءُ پاکستانی لشکر ءِ میان ءَ میڑے بندات بوتگ اے میڑ داں چار ادار ءَ گیش برجاہ بوتگ۔
اے میڑ ءِ میان ءَ کم چہ کم دہ تراک ءِ توار اش کنگ بوتگ ءُ تیرگواری داں دیر ءَ یکشل ءَ برجاہ بوتگ اَنت۔ پاکستانی لشکر ءَ تیوگیں ھند انگر کرتگ ءُ راہ ءُ دگ بستگ اَنت۔
ھندی بنشون ءِ رد ءَ مرچی سھب ءَ ایمبولینس روگ ءَ گندگ بوتگ اَنت ءُ یک جنگی بالگردے ھم سر بوتگ۔ انچوش گمان کنگ بوگ ءَ اِنت کہ پاکستانی لشکر ءِ کارمند بازیں کچے ءَ جنگ بوتگ اَنت۔ دو سلاہ بندیں مردمانی بیرانی ءِ ھال اِنت۔
