شال: زور بیگوھیں بلوچ نودربر سروک زاکر مجید ءِ مات ءَ چہ بیگواھیں بلوچانی توار( وی بی ایم پی ) ءِ برجاھیں زھرشانی گدان ءَ وتی تامربندے شنگ کرتگ ءُ گوشتگ کہ من گوں ریاست ءَ لوٹ کناں کہ آ منی پیرزالی ءَ پچار ایت ءُ منی گس ءِ چراگ زاکرجان ءَ آجو بہ کنت۔
آئی ءَ گوشتگ کہ من پہ زاکر مجید ءِ آجوئی ءَ زھرشانی ءِ درسیں وڑ ءُ پیم چکاس اِتگ اَنت، من دو رند ءَ چہ شال ءَ اسلام آباد زھرشانی ءَ شتگ آں ءُ زھرشانی نندانک ءَ ھم نشتگ آں۔ بلے انگت ءَ منی زھگ ءِ ھچ وڑیں ھال نیست۔
زور بیگواھیں زاکر مجید ءِ مات ءَ گوشتگ کہ من رمزان ءِ ماہ ءِ درگت ءَ ھمے لوٹ ءَکناں کہ منی زھگ ءَ آجو بہ کن اِت اے امر ءَ من ءَ گیش جنجال مکن اِت۔
