کراچی: زورگریں پاکستانی لشکر ءِ دست ءَ زور بیگواہ کنگ بوتگیں دو ورنایانی ژانگولیں لاش دزکپتگ اَنت۔
اھوالکار ءِ رد ءَ کشگ بوتگیں ورنایانی نام باکسر شئیب ء گلام الی ءُ زمان ء الی نواز اِنت کہ سنگولین لیاری کراچی ءِ جاہ منند اَنت۔ پاکستانی لشکر ( رینجر ) ءُ چیریں ادارھانی کارمنداں پاری اگست ءَ جتائیں روچاں آوار جتگ ءُ بیگواہ کرتگ اَنت۔
دوئیں بیگواھیں ورنایانی لاش کراچی منگھوپیر نادرن بائی پاس چلگری کٹ مدنیہ ءِ نزیک ءَ دزکپتگ اَنت۔
بلوچ راجی زرمبشت ( بی این ایم ) ءِ مردمی ھکانی ادارہ پانک ءَ ماں چارگردی رسانکدر ءِ تندجاہ ایکس ءَ دوئیں ورنایانی لاشانی دزکپتگ ءِ گپ راست کرتگ ءُ آیانی ناھکیں کوش ایر جتگ۔
