بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں مند ءُ گڈگی ءَ زورگریں پاکستانی لشکر ءِ سر ءَ اُرش کُرتگ ءُ جانی ءُ مالی تاوان داتگ۔
آئی گوشتگ کہ سَے شمبے ءِ بیگاہ ءِ شش ءَ سرمچاراں مند ءَ دریا چم ءُ میسنگ ءِ میانجی ءَ برجاھیں زورگریں دژمن ءِ پانگس ءِ سر ءَ گوں نوکیں سلاھاں اُرش کُرتگ۔ اُرش ءَ دژمن ءِ یک کارمندے مُرتگ ءُ یکے ٹپی بیتگ۔
جارکش ءَ گوشتگ کہ ھمے وڑ ءَ زی بیگاہ ءِ پنچ ءَ سرمچاراں گڈگی چمگ ءَ برجاھیں زورگریں لشکر ءِ پانگس ءِ سر ءَ گوں ٹوھیں سلاھاں اُرش کُرتگ ءُ یک کارمندے کُشتگ ءُ دو ٹپی کُرتگ ءُ ھمے میان ءَ سرمچاراں دژمن ءِ سرویلنس کیمرہ ھم نشانگ کُرتگ ءُ تباہ کُرتگ اَنت۔
بی ایل ایپ ءِ جارکش میجر گھرام ءَ اُرشانی زمہ واری منّ اتگ اَنت گوشتگ کہ داں سرڈگار ءِ آجوئی ءَ اُرش برجاہ بنت۔
