بلوچ راجی رھشون ءُ بلوچستان آجوئی سنگر ( بی ایل ایپ ) ءِ سرکماش ڈاکٹر اللہ نزر ءَ ماں چاگردی رسانکدر ایکس ءَ نبشتگ کہ سی پیک ءِ وڑ ءَ ریکوڈک ریلوے ٹریک تیوک ءَ بلوچانی لاشانی سر ءَ جوڑ کنگ بیت۔ من سرپد آں کہ مارا راجے ءِ بستار ءَ چنچو دیمونی دیگ لوٹ ایت۔ یک راستی یے ءِ بنیاد ءَ میان استمان چہ پیسر ءَ زانت کہ پاکستانی لشکر بلوچستان ءَ جنگی میارباری کنگ ءَ اِنت۔
راجی رھشون ءَ گوشتگ کہ آ داں کدی اے چکچینی کنوکیں لشکر ءِ پلہ مرزی ءَ پلہ مرزی ءَ کن اَنت؟ شر اِنت ما چاریں چے بیت۔ مئے آجوئی ءِ جنگ داں باز وھد ءَ دار ایت، بلے مئے پدریچ داں پدریچاں مئے آجوئی ءِ جنگ ءَ مڑ ایت۔ ما زوراکاں وتی مڈیانی لٹ ءُ پل ءُ وتی آبادیانی مٹ کنگ ءِ موکل ءَ نہ دے ایں۔
