شال: بلوچ یکجھتی کمیٹی ءَ ماں رسانکدر ءَ وتی شنگ کرتگیں جارے ءَ گوشتگ کہ بی وائی سی ءِ نیمگ ءَ ھمسنتی تکشام ءِ پارست ءَ 23 مارچءَ کسربان بازار دشت ءِ وانگجاہ ءَ روچ ءِ دہ ءَ یک درمانی گدانے جنگ بیت۔
آئی ءَ گوشتگ کہ دشت کسر ءُ کش ءُ گورانی نادراھیں مردم بیا اَنت ءُ بی وائی سی ءِ نیمگ ءَ برجاھیں گدان ءَ ڈاکٹرانی کِر ءَ وت ءَ پیش بدار اَنت۔
بی وائی سی ءَ گوشتگ کہ ما گوں مردماں لوٹ کن ایں کہ اے کلوہ ءَ گیش ءَ چہ گیش شنگ بہ کن اَنت دانکہ نادراھیں مردم سرپد بہ بنت۔
