![](https://zrumbesh.com/wp-content/uploads/2024/03/WhatsApp-Image-2024-03-22-at-00.18.46_a06e0e87.jpg)
ھزدار: زورگریں پاکستانی لشکر ءَ شھید پدائی کماندار شوکت ھکیم گنگو ءِ پت آوار جتگ ءُ بیگواہ کرتگ۔
بنشون ءِ رد ءَ زورگریں پاکستانی لشکر ءُ چیریں ادارھانی کارمنداں پرندوشی ھزدار ءِ ھند گزگی ءَ بیڑ برتگ ءُ ابدالھکیم ءَ آوار جتگ ءُ گوں وت برتگ۔
یات بہ بہ اِت کہ شھید شوکت ھکیم گنگو گوستگیں روچ ءَ گوادر ءَ گوں دگہ ھپت پدائیانی ھمراھی ءَ پاکستانی چیریں ادارھانی بنجل ءَ پدائی ارش ءَ شھید بوتگ۔