بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ مرچی20 مارچ ءَ نیمروچ ءِ سے ءِ نزیک ءَ بی ایل اے ءِ دیمونی بھرگ مجیدبرگیڈ ءِ ھشت پدائیاں زورگریں ریاست ءِ چیریں ادارہ آئی ایس آئی ءُ ایم آئی ءِ بنجل ءَ ارش کرتگ ءُ بیست ءُ پنچ ءَ گیش دژمنیں کارمند کشتگ ءُ جوانمردی ءِ جوانیں منانکے برجاہ داشتگ ءُ پہ ماتیں سرڈگار ءَ مدامی نمیران بوتگ اَنت۔ مرتگیں دژمنیں کارمنداں دو کمیشنڈ سروگاناں ھوار ایم آئی ءِ 6، آئی ایس آئی 8 ءُ آرمی ءُ نیوی ءِ 14 کارمند مرتگ۔
آئی ءَ گوشتگ کہ گوادر میرین ڈرائیو ءَ برجاھیں پاکستانی چیریں ادارہ آئی ایس آئی ءُ ایم آئی ءِ مزنیں بنجل ءِ سر ءَ ھما وھد ءَ ارش کرتگ کہ اود ءَ یک شریں دیوانے برجاہ بوتگ۔ ارش داں بازیں اداراں برجاہ بوتگ، ھمے میان ءَ پاکستانی چیریں ادارہ ایم آئی ءُ آئی ایس آئی ءِ درززنانی کچ ءَکارمند مرتگ۔ پہ دژمنیں لشکر ءِ کمک ءَ آھوکیں پاکستانی نیوی ءِ باز کمانڈو بلوچ پدائیاں نشانگ کرتگ ءُ کشتگ اَنت۔ دیوان ءَ بھر زوروکیں کشندہ ٹولی ءِ کامند ھم مرتگ ءُ ٹپی بوتگینانی تہ ءَ ھوار اَنت۔
جارکش ءَ گوشتگ کہ پاکستانی چیریں ادارہ زورگریں ریاست ءِ بلوچ چکچینی ءِ شونداتانی جوڑ کنگ ءَ چہ درساں دیم ءَ اَنت۔ کودکیں بلوچ ورنایانی زوربیگواہ کنگءُ آیانی آزار دیگ ادارھانی نیمگ ءَ گوستگیں دو دھکانی میان ءَ ھزارانی کچ ءَ بلوچ شھید کنگ بوتگ۔
جارکش ءَ گوشتگ کہ مرچی آپریشن ءَ بی ایل اے مجید برگیڈ ءِ ھشت پدائی بابر ناسر پنام سھیل، کامریڈ سوالی پنام میرین ، مسلم مھر پنام سالار، کریم جان پنام زوران، شوکت ھکیم پنام سپر ھان، مروان پنام مھراب، ھدا دوست پنام اسد ءُ ریاز الاھی پنام جنگی ھان بھر زرتگ۔
آئی ءَ گوشتگ کہ آپریشن کمان شھید پدائی شوکت ھکیم گنگو پنام سپرھان ء ابدالھکیم ھزدار ءِ ھند گزگی ءِ جاہ منند اِنت۔ آ 2021 ءَ بی ایل اے ءَ ھوار بوتگ ءُ 2022 ءَ مجید برگیڈ ءَ وتی واھشتءِ پیش کرتگ ۔
جارکش ءَگوشتگ کہ شھید پدائی بابر ناسر پنام سھیل ء ناسر جاہ منند ملک آباد تربت 2020 ءَ بی ایل اے ءَ ھوار بوتگ۔ آئی 2022 ءَ وتی واھشت پیش کرتگ۔ آئی مرس ءِ وانگ دربرتگ۔
آئی ءَ گوشتگ کہ شھید پدائی کامریڈ سوالی پنام میرین ء نیک بھت 2020 بی ایل اے ءَ ھوار بوتگ ءُ راجی ایردستی ءِ بگیری ءَ پرکار بوتگ۔ کیچ ءِ ھند سنگ آباد تجابان ءِ جاہ منندیں کارمریڈ سوالی کیمسٹری ءَ ماسٹرنگ ءِ سند گپتگ۔ آ 2019 ءَ بی ایس او ءِ راھبند ءَ بلوچ ایردستی ءِ بگیری ءَ پرکار بوتگ۔ آئی ھشت ماہ پیش مجید برگیڈ ءَ وتی واھشت پیش کرتگ ۔
جارکش ءَ گوشتگ کہ شھید پدائی مسلم مھر پنام سالار ء مولابکش بلیدہ میناز ءِ جاہ مند اِنت۔ 2023 ءَ بی ایل اے ءَ ھوار بوتگ ءُ سالے پیش بی ایل اے مجید برگیڈ ءَ ھوار بوتگ۔
آئی ءَ گوشتگ کہ شھید پدائی کریم جان پنام زوران ء شکاری پزل ڈاکی بازار تربت ءِ جاہ منند اِنت۔ 2022 ءَ چیریں ادارھاں آوار جتگ ءُ آ داں سے ماہ ءَ دژمن ءِ چیریں آزار جاھاں آزار اوپار کرتگ۔ چیریں ادارھانی دست ءَ بیگواھی ءُ یل بوگ ءَ آئی تہ ءَ راجی زانشت گیش مھکم کرتگ۔ چہ ایشی ءَ پد آئی یک سالے پیش مجید برگیڈ ءَوتی واھشت پیش کرتگ اَنت۔
جارکش ءَ گوشتگ کہ شھید پدائی مروان پنام مھراب ء نواز جاہ منند میناز بلیدہ 2021 ءَ بی ایل اے ءَ ھوار بوتگ ، آئی بھر زورگ ءِ ھواری ءَ گوں بی ایل اے مجید برگیڈ ءَ وتی واھشت پیش کرتگ اَنت۔
آئی ءَ گوشتگ کہ شھید پدائی ھدا دوست پنام اسد سائرہ بی بی ءِ چک گیشکور آواران ءِ جاہ منند اِنت۔ آئی پولیٹیکل سائنس دربرتگ۔ سنگت ھدا دوست 2020 ءَ بی ایل اے ءَ ھوار بوتگ ءُ 2021 ءَ مجید برگیڈ ءَ وتی واھشت پیش کرتگ۔
جارکش ءَ گوشتگ کہ شھید پدائی ریاز الاھی پنام جنگی ھان ء الاھی بکش بلیدہ ءِ ھند میناز ءِ جاہ مند اِنت۔ آ 2017 ءَ بی ایل اے ءِ راھبند ءِ رد ءَ راجی ایردستی ءِ بگیری ءَ پرکار بوتگ۔ آئی 2020 ءَ پہ مجید برگیڈ ءَ وتی واھشت پیش کرتگ اَنت۔
آئی ءَ گوشتگ کہ اے ارش آپریشن زرپھاز ءِ چارمی بھر بوتگ۔ اے ارش پہ ھما درسیں دری باپاراں یک کلوھے کہ آ پاکستان ریاست ءُ آئی لشکر ءِ دروگیں دلبڈیانی سر ءَ دلجم بنت ءُ گوادر ءُ بلوچستان ءِ آدگہ ھنداں باپاری ءِ ارادہ ءَ کن اَنت۔ اگاں بی ایل اے پاکستان ریاست ءِ درساں گیش پھازداریں جاہ ءُ گچینیں چیریں ادارھانی بنجاہ ءَ ارش کنت ءُ داں بازیں اداراں دژمن ءَنیست ءُ نابود کنت گڑا کجام ھم شھر ءُ ھند ءَ پہ ارزانی ءَ سربوت کنت۔
بی ایل اے ءِ جارکش جیھند ءَ گوشتگ کہ بی ایل اے یک رندے پد ءَ ھمے کول ءَ کنت کہ چہ بلوچستان ءَ زورگریں پاکستانی لشکر ءِ سرجم ءَ درآھگ ءَ مئے ارش گوں ترندی ءَ برجاہ بنت۔
