![](https://zrumbesh.com/wp-content/uploads/2024/03/WhatsApp-Image-2024-03-20-at-08.37.00_d07ee406.jpg)
شال : زور بیگوھیں امیر بکش ءِ جنک سدپ ءَ وتی تامربندے شنگ کرتگ ءُ گوشتگ کہ منی پت 4 اگست 2014 ءَ بیگواہ کنگ بوتگ ، زور بیگواھیں مردمانی ودار سکا دردناک اِنت۔ من گوستگیں دہ سا ل گوں ھمے ودار ءَ گوزینتگ۔
آئی ءَ گوشتگ کہ من یک زور بیگواھیں مردمے ءِ جنک ءِ بستار ءَ اے مات، گھار ءُ زھگانی درداں مار آں کہ آیانی آزیز بیگواہ اَنت۔
سدپ ءَ گوشتگ کہ 27 مارچ 2009 ءَ چہ ھزدار ءَ زور بیگوہ کنگ بوتگیں کبیر، اتااللہ ءُ مشتاک ءِ آجوئی ءَ بلوچ وائس پار جسٹس ءِ نیمگ ءَ 27 مارچ 2024 ءِ شپ ءِ ھپت ءَ بگر داں دوازدہ ءَ کمپینے برجم دارگ بیت۔
آئی ءَ گوشتگ کہ من گوں درسیں رسانکدری ءُ مردمی ھکانی کارکنانی گون ءَ لوٹ کن آں کہ اے کمپین ءَ بھر بزور اَنت ءُ پہ کبیر، مشتاک ءُ اتااللہ ءِ آجوئی ءَ توار چست بہ کن اَنت۔