![](https://zrumbesh.com/wp-content/uploads/2024/03/1000269079.png)
کیچ: پاکستانی لشکر ءِ دست ءَ زور بیگواھیں سرگودھا زانشتجاہ ءِ نودربر ھدا داد سراج ءِ کھول ءَ پہ آئی زوریں بیگواھی ءِ بگیری ءَ زھرشانی نندانک ءَ سے روچ اِنت کہ تجابان ءَ سی پیک دگ ءَ برجاہ اِنت۔ نندانک جاہ ءَ اے وھد ءَ زھگ ءُ جنین بازیں کچے ءَ نشتگ اَنت۔
کھول ءِ گوشگ اِنت کہ مارا سے روچ بیت مئے زھرشانی نندانک برجاہ اِنت انگت ءَ چہ واکدارانی نیمگ ءَ پہ مئے لوٹاں ھچ وڑیں دلجمیں گامگیج زورگ نہ بوتگ۔
آئی ءِ گوشگ اِنت کہ مئے لوٹ بس ھمیش اِنت مئے زھگ ھدا داد زوت آجو کنگ بہ بیت، اگاں آئی سر ءَ چونیں بھتامے ھست گڑا آمیدگس ءَ پیش کنگ ءُ سزا دیگ بہ بیت۔ ما اے گپ ءَ دلجمیں کہ ھدا داد ھچ وڑیں درکانودی کار نہ کرتگ ءُ آ ناھک ءَ زور بیگواہ کنگ بوتگ۔
کھول ءَ گوشتگ دانکہ ھدا داد سراج آجو نہ بوتگ ما وتی زھرشانی ءَ برجاہ دار ایں۔ گوں بلوچ راج ءَ لوٹ کن ایں کہ مئے گون ءَ کمک بہ کنت۔
یات بہ بہ اِت کہ زور بیگواھیں نودربر ھدا داد سراج ء سراج اھمد کرکی تجابان کیچ ءِ جاہ منند اِنت کہ 8 مارچ 2024 ءَ شپ ءِ ھشت ءُ نیم ءَ بھادر شاہ زپر دگ ءَ ابدرشید نادراھجاہ ءِ دیم ءَ پاکستانی لشکر ءِ جوڑ کرتگیں چیریں ادارھانی کارمنداں آوار جتگ ءُ بیگواہ کرتگ۔