گْوادر:کارواٹ ءَ زور بیگواھیں زاکر ء رزاک ءُ لالا رپیک رسول بکش ءِ کھول ءِ نیمگ ءَ پہ آیانی آجوئی ءَ برجاھیں زھرشانی نندانک دوشی گوں واکدار ءَ گپ ءُ تران ءَ پد ھلاس کنگ بوتگ۔
زور بیگواھیں زاکر ءُ لالا رپیک ءِ کھول ءِ نیمگ ءَ پہ آیانی آجوئی ءَ دو روچ ءَ زھرشانی نندانک برجاہ بوتگ کہ دوشی گوادر ءِ کمک دمگدار ءَ گوں کھولاں گپ ءُ تران کرتگ ءُ پہ زور بیگواھیں ورنایانی یل کنگ ءَ چار روچ ءِ وھد لوٹ اِتگ آیانی گپ ءُ تران سوبین بوتگ ءُ دگ پچ کنگ بوتگ۔
زور بیگواھیں زاکر ءِ کھول ءِ گوشگ اِنت کہ اگاں داں چار روچ ءَ مئے زھگ یل کنگ نہ بوت ما دوبر زھرشانی ءَ دگ بند کن ایں۔
یات بہ بہ اِت کہ دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتوک بوتگ اَنت ءُ مساپر سکا جنجالانی دیمپان بوتگ اَنت۔
