بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں چاردہ مارچ ءِ شپ ءِ نوہ ءَ کیچ ءِ بنجاھی شھر تربت بالی پٹ ءِ ٹوھیں دروازگ ءِ دپ ءَ برجاھیں لشکر ءِ پانگس ءِ سر ءَ دستی بمب اُرشے کُرتگ، اُرش ءَ دو کارمند ٹپی بوتگ۔
آئی گوشتگ کہ سرمچاراں ھما وھد ءَ لشکر نشانگ کُرتگ کہ دو کارمند پانگس ءِ تہ ءَ ساڑی بوتگ، دستی بمب اُرش ءَ پانگس ءَ تاوان بوتگ۔
بی ایل ایپ ءِ جارکش میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچستان ءِ آجوئی ءَ زورگریں لشکر ءِ سر ءَ اُرش برجاہ بنت۔
