سرگودھا: بلوچ اسٹوڈنس کونسل ءِ نیمگ ءَ بلوچ نودر ھدا داد سراج ءِ زوریں بیگواھی ءُ بلوچ نودربرانی ترسینگ ءُ گوں آیاں زوراکی کنگ ءِ بگیری ءَ زانشتجاہ ءِ تہ ءَ زھرشانی کنگ بوتگ۔ زھرشانی ءَ نودربراں بازیں کچے ءَ بھر زرتگ۔
زھرشانی کنوکیں نودربراں زور بیگواھیں ھدا داد ءِ اکس ءُ پلے کارڈ دستاں بوتگ اَنت۔ پولیس ءَزھرشانی کنوکیں نودرانی دست ءِ پلے کارڈ پل اتگ ءُ درتگ اَنت۔
آیاں تراں کرتگ ءُ گوشتگ کہ زور بیگوھیں نودربر ھدا داد سراج کیچ ءِ جاہ منند اِنتءُ گوستگیں آدینگ ءَ شپ ءِھشت ءُ نیم ءَ زپر اللہ چار اہ ءَ نادراھجاہ ءِ نزیک ءَ توپک ءِ زور ءِ سر ءَ آوار جنگ ءُ بیگواہ کنگ بوتگ۔چہ ایشی ءَ پد ما کانود ءِ رد ءَ پولیس گس ءَ شتگ ایں مئے گون ءَ ترندی گپ جنگ ءُ زوراکی کنگ بیت۔ چہ بازیں جنجالاں پد ایپ آئی آر نبیسگ بیت۔
آئی ءَ گوشتگ ما پہ ھدا داد ءِ آجوئی ءَ درسیں در ٹک اتگ اَنت انگت ءَ آئی ءِ بارو ءَ مارا ھچ وڑیں سرپدی دیگ ءَ نہ اَنت۔ سرگودھا زانشتجاہ مئے گپاں گوش دارگ ءَ نہ اِنت۔ ما آئی ءَ گوشگ لوٹ ایں کہ ما چہ بلوچستان ءِ کوھی ھنداں اد ءَ کا ئیں اے زانشتجاہ مئے پجار جوڑ بیت بلے انگت ءَ مئے گپ گوش دارگ نہ بنت۔
آئی ءَ گوشتگ کہ اد ءَ بلوچ نودربر وڑ وڑیں زوراکیانی آماچ کنگ بوگ ءَ اَنت بلے زانشتجاہ ءِ نیمگ ءَ پما ھچ وڑیں گامگیج زورگ نہ بیت۔
