بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ ھند ڈنڈار ءَ پہ پاکستانی لشکر ءَ راشن ءُ سامان برگ ءَ بیتگیں گاڑی ءِ سر ءَ اُرش کُرتگ ءُ سامان دستیگ کُرتگ اَنت۔
آئی ءَ گوشتگ کہ مرچی روچ ءِ سَے ءَ سرمچاراں بند ملک ڈنڈار ءَ پہ پاکستانی لشکر ءَ سامان برگ ءَ بوتگیں گاڑی ءِ سر ءَ اُرش کُرتگ، راشن ءُ سامان دستیگ کُرتگ اَنت، ڈرائیور کڈن کُرتگ ءُ یل داتگ۔
جارکش ءَ گوشتگ کہ اے راشن چہ زورگریں پاکستانی لشکر ءِ ڈنڈار بنجل ءَ پہ مادگ کلات ءَ برگ ءَ بوتگ اَنت کہ سرمچاراں بند ملک ءَ گاڑی داشتگ، راش ءُ آدگہ ورگی سامان بُرتگ اَنت۔
بی ایل ایپ ءِ جارکش میجر گھرام ءَ اُرش ءِ زمہ واری منّ اتگ ءُ گوشتگ کہ داں سرڈگار ءِ آجوئی ءَ دژمن ءِ درسیں سیت سرمچارانی نشانگ ءَ اَنت۔
