بلوچ یکجھتی کمیٹی ( کراچی ) ءِ جارکش ءَ وتی شنگ کرتگیں درشانے ءَ گوشتگ کہ بی وائی سی ( کراچی ) ءَ پہ گوادر ءُ کش ءُ گورانی ھند ءِ ھارآماچیں مردماں سد راشن ءُ 55 ترپال دوشمبے ءِ بیگاہ ءَ دیم داتگ کہ سے شمبےءِ سھب ءَ گوادر ءَ سر بوتگ اَنت۔
آئی ءَ دیمتر ءَ گوشتگ کہ بنداتی باریگ ءِ راشن سد گسانی بوتگ اَنت مئے ھمبلاں شپ ءِ تھاری ءَبھر ءُ بانگ کرتگ اَنت کہ کسے دل آزاری نہ بوتگ ءُ جاور انچوش بوتگ اَنت۔ ھما ھمبل انچو روچ اِنت کہ گوادر ءُ کر ءُ کشانی ھنداں تر ءُ گرد کنگ ءُ ھال کنگ ءَ اَنت اے مردمان ءَ اے وھد ءَ سکا کجام چیز درکار اِنت۔
جارکش ءَ گوشتگ کہ بی وائی سی ( کراچی ) ءِ ھمبل گوادر ءَ ساڑی اَنت آیانی گوشگ ءِ پد ءَ بی وائی سی کراچی ءِ کیبنٹءِ ھمبلاں سد راشن ءُ پنجاہ ءُ پنچ ترپال ءِ دیم دیگ ءِ سوڑگ کرتگ۔ پہ دیم ءِ روچاں دگہ سوڑگ کرتگ پمیشکا کمک سکا درکار اِنت۔
آئی ءَ گوشتگ کہ ما گوں بلوچ راج ءَ ھوار درسیں مردم دوستانی گون ءَ لوٹ کن ایں کہ مئے ھمت جوڑ بہ بنت ءُ مارا دلبڈی بہ دے اَنت۔ پہ گیشتریں جست ءُ پرس ءَ مئے گون ءَ رھوت بہ کن اَنت۔
