شال: بی ایس او ءَ بنجاھی سرکماش بالاچ کادر ءَ وتی شنگ کرتگیں درشانے ءَ گوشتگ کہ بی ایس او ءِ بنجاھی کسترین کارگشاد ابوبکر ءِ گس ءَ پاکستانی لشکر ءَ بیڑ برتگ ءُ آئی مستریں برات گوں ناکوزتک ءِ ھواری ءَ زور بیگواہ کرتگ۔ تیوگیں بلوچستان ءَ گل ءِ ھمبلاں چہ سیاسی جھد ءَ دزکش بوگ ءِ بیھار ءَ دیگ ءَ اَنت۔
آئی ءَ گوشتگ کہ ھاران، پنجگورءُ گوادر ءَ گل ءِ زمہ وار جتائیں ادارھانی نیمگ ءَ ترسینگ بوگ ءَ اَنت۔ ابوبکر ءِ گس ءَ لشکر ءِ بیڑ برگءُ آئی برات ءِ زوریں بیگواھی ریاستی ادارھانی نیمگ ءَ تچکیں ناشرکاری یے۔
بالاچ کادر ءَگوشتگ کہ ما اے گپ ءَ تچک کنگ لوٹ ایں کہ اتااللہ مینگلءِ لیکہ ءَ گوں ھمگرنچیں ھمبل ایمنیں سیاسی جھد ءَ دزکش نہ بنت۔ ریاستی ادارہ سیاسی کارکن ءُ آیانی سیادانی گون ءَ زوراکی ءَ بند بہ کن اَنت۔
