گوادر: بلوچ یکجھتی کمیٹی ءِ نیمگ ءَ پہ گوادر ءِ ھار آماچیں مردمانی کمک ءَ جنگ بوتگیں کمکی گدان دوشی پولیس ءَ دور کرتگ ءُ برتگ۔
اھوالکار ءِ رد ءَ بلوچ یکجھتی کمیٹی ءِ کمکی گدان جاوید کمپلیکس ءِ دیم ءَ جنگ بوتگ کہ دوشی شپ ءِ سے ءَ پولیس ءَ گدان ءِ ساد برتگ اَنت ءُ گدان برتگ۔ اے وھد ءَ بی وائی سی ءِ کمکار بے گدان ءَ نشتگ ءُ وتی کمکی کار اش برجاہ داشتگ۔
چہ بی وائی سی ءِ کمکی گدان جاہ ءَ بی وائی سی ءِ کمکارے ءَ گوشتگ کہ دوشی پولیس ءِگاڑی ءَ ھوار آئی ءَ دگہ درسرکاری گاڑی یے گون بوتگ کہ آئی بی وائی سی ءِ گدان دز اتگ ءُ برتگ۔ دمگدار بے سوب اِنت کہ آئی باز کمک گپتگ ءُ وارتگ دو روچ اِنت گار اِنت آئی وتی نمبر ھم بند کرتگ اَنت۔
آئی ءَ گوشتگ کہ اگاں گوادر پولیس اے وڑ ناشرکاری کنت گڑا ما وتی آھوکیں گامگیج ءِ جار ءَجن ایں۔ اے وھد ءَ بہ وائی سی ءِ نیمگ ءَ باز کمکی گدان جنگ بوتگ کہ مردم درمان کنگ بوگ ءَ اَنت پولیس کمک کنگ ءَ اَبید اڑاند ودی کنگ ءَ اِنت۔
آئی ءَ گوشتگ کہ پولیس مئے ھمک کار ءِ تہ ءَ دزمانجنی کنگ ءَ اِنت۔ زی ھم اد ءَ پولیس گوں بازیں کچے ءَ آتکگ کہ آیانی تہ ءَ پولیس ءِ جنین کارمند ھوار بوتگ اَنت، ما داں شش ءُ ھپت اداراں آیانی انگر ءَ بوتگ ایں۔ چہ ایشی ءَ پد دوشی شپ ءِ سے ءَ مئے گدان برگ بوتگ۔ دمگی واکدار نہ لوٹ ایت کہ ما کمکی کار بہ کن ایں۔
