گْوادر: بلوچ یکجھتی کمیٹی ءَ ماں چاگردی رسانکدر ایکس ءَ گْوادر ءَ پہ ھار آماچیں مردماں برجاھیں کمکی گدان ءِ گوادر پولیس ءِ انگر کنگ ءِ پژدر ءَ نبشتگ کہ گوادر ءِ واکدار، جاوید کمپلیکس گوادر ءَ بی وائی سی ءِ کمکی گدان ءِ ھلاس کنگ ءِ جھد ءَ کنگ ءَ اِنت۔
آئی ءَ گوشتگ کہ یک نیمگے ءَ گْوادر شھر ءُ آئی کِر ءُ کشانی ھند سرجم ءَ ھار ءَ بڈ اتگ اَنت۔ سرکار مردمانی کمک کنگ ءَ ابید کمکی کارانی تہ ءَ دزبندیں مردماں بیھار دیگ ءُ آیانی جھد ءِ ھلاس کنگ ءِ جھد ءَ کنگ ءَ اِنت۔
بی وائی سی ءَ گوشتگ کہ گوادر ءِ واکدار ءَ تچکی ءَ گوشگ لوٹ ایں کہ گْوادر ءِ ھنکیندار شھیک منیر، ایس ایچ او مھسن ءُ ڈی ایس پی امام یاکوب اے درکانودی ءُ بے راھبندیں کار ءَ دلگوش ءَ گور بہ کن اَنت۔ اگاں نہ ما ایشی بگیری ءَ گوادر شھر ءَ زوت زھرشانی کنگ ءِ جار ءَ جن ایں۔
