بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں تمپ ءَ یک ارشے ءَ زورگریں پاکستانی لشکر ءِ دو کارمند کشتگ ءُ سے ٹپی کرتگ۔
آئی ءَ گوشتگ کہ بی اے ایل ءِ سرمچاراں دوشی تمپ ءِ ھند ملانٹ ءَ پاکستانی لشکر ءِ بنجل ءِ سر ءَ چہ دو نیمگاں گوں راکٹ ءُ آدگہ وتکاریں سلاھانی گون ءَ ارش کرتگ۔ سرمچاراں دژمنیں لشکر ءِ سر ءَ باز گولا آس داتگ، ارش ءِ آسر ءَ کم چہ کم دو دژمنیں کارمند جاھی مرتگ ءُ دگہ سے ٹپی بوتگ۔ دژمن ءَ گیش جانی ءُمالی تاوان بوتگ۔
بی ایل اے ءِ جارکش جیھند ءَ ارش ءِ زمہ واری من اتگ ءُ گوشتگ کہ داں زورگریں پاکستانی لشکر ءِ چہ بلوچستان ءَ سرجم ءَ درآھگ ءَ مئے ارش برجاہ بنت۔
