ھزدار: پرندوشی زورگریں پاکستانی لشکر ءُ چیریں ادارھانی کارمنداں زھری ءَ باز گس ءَ بیڑ برتگ ءُ گوں جنین ءُ زھگاں زوراکی کرتگ بلال اھمد نامیں ورنایے آوار جتگ۔
بنشون ءِ رد ءَ پاکستانی لشکر ءَ زھری نورگامہ ءَ پیادگ ءَ شپ ءِ دو ءَ بیڑ برتگ ءُ گسانی پٹ ءُ پول کنگ ءِ ھواری ءَ گسانی دروازگ ءُ الماری پروشتگ اَنت۔ بلال اھمد ء استاد مھمد بکش میراجی آوار جتگ ءُ گوں وت برتگ۔
ھمے وڑ ءَ یکبوزی ءَ ھم پاکستانی لشکر ءَ بیڑ برتگ ءُ گسانی پٹ ءُ پول کنگ ءِ ھواری ءَ مردم لٹ شاپ کرتگ اَنت۔
