شال: پاکستانی لشکر ءِ چیریں آزار جاھاں زور بیگواھیں ورنا امتیاز ءُ مھم جان آجو بوتگ اَنت۔
امتیاز ء آلم ھزدار ءِ ھند نال ءِ جھمنند اِنت ءُ ایرڈ ایگریکلچر زانشتجاہ راولپنڈی ءِ پوڈسائنس ءَ گریجویشن کرتگ۔ زی پاکستانی لشکر ءِ جوڑکرتگیں چیریں ادارھانی کارمنداں چہ زانشتجاہ ءِ وابجاہ ءَ ایمبولینس ءِ سر ءَ آوار جتگ ءُ بیگواہ کرتگ۔ امتیاز مرچی سھب ءَ آجو کنگ بوتگ۔
ھمے وڑ ءَ کیچ ءِ بنجاھی شھر تربت ءَ پاکستانی لشکر ءِ دست ءَ زور بیگواہ کنگ بوتگیں مھم جان ء پیر مھمد آجو بوتگ۔ مھم جان پاکستانی لشکر ءَ 19 دسمبر 2023 ءَ آوار جتگ ءُ بیگواہ کرتگ۔ زور بیگواھیں مھم جان 22 پروری ءَ آجو بوتگ ءُ وتی گس ءَ سر بوتگ۔
اے دوئیں مردمانی آجوئی ءِ گپ بیگواھیں بلوچانی توار ( وی بی ایم پی ) ءَ راست کرتگ اَنت ءُ ماں چاگردی رسانکدر ءَ آیانی اکس شنگ کرتگ اَنت۔
